RODNYJA VOBRAZY Vobrazy miłyja rodnaha kraju,               
Smutak i radaść maja!..      
 
 Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Łarysa Hienijuš
Vieršy
Kantekstny tłumačalny słoŭnik
My – narod
Ahoń dušy nie pakanajuć ściužy.
Marozami ahniu nie pahasić.
Ź ciarpieńniaŭ – viełič,
                                                  jak na cierniach – ružy...
I z bolu rodzicca dzicia,
                                                    kab žyć.
 
Advažna losu kamiani ŭsprymaju.
Bałić duša, ale ŭ dušy spakoj.
Piače duša ahniom, ale stryvaju.
Zavostryć rany – nie prytupić boj.
 
Nia być načy!
Niama žyćcia biaz sonca.
Uzydzie sonca, azaryć akno.
Chłuśnia chłuśłivych stracić
                                                              abaroncaŭ
i vołavam apuścicca na dno.
 
A praŭda – to nia kłič, štykom
                                                                  padpierty,
pryhodny złydniam dla niačystych spraŭ.
A praŭda – ź losaŭ, z duš,
                                                            z narodnych netraŭ,
ź ciarpieńnia, što narod pieratryvaŭ.
 
Łichoj chłuśni biaźsilny kryk
                                                                    varožy.
Da dzion pryhonu strašny pavarot.
A praŭda ŭsio ž žyvie i pieramoža!
My vam nia słuhaŭ plemia –
                                                          my narod!
 
 
 
 
Padabajecca     Nie padabajecca
2009–2020. Biełaruś, Miensk.